Un total de 20 veciños e veciñas de Frades participaron na terceira edición do Curso de Poda e Enxertos, organizado polo Concello de Frades. Un curso de 28 horas de duración, 20 prácticas e 8 teóricas, no que o alumnado aprendeu técnicas de poda de especies froiteiras, ornamentais e forestais, así como os distintos métodos de propagación/multiplicación de plantas: sementes, enxertos, estaquillado, acodo, etc.
As clases teóricas celebráronse no multiúsos de Frades, mentres que as prácticas tiveron lugar na leira municipal. Unha vez rematado o curso, o alumnado compartiu un xantar de despedida e recibiron o correspondente diploma acreditativo de mans do concelleiro de Medio Ambiente, Juan Carlos Portos.
